Kuvendi i Maqedonisë i ka vazhduar punimet e seancës konstituive për zgjedhjen e kryetarit të kuvendit, zv.kryetarin, anëtarët dhe zëvendesuesit e Komisionit për çështje zgjedhore dhe emërime, përcjell Telegrafi Maqedoni.
Në rend dite është zgjedhja e kryertarit të kuvendit. Më herët, TV21 bëri të ditur se deputetët Dimovski dhe Milloshoski nga OBRM-PDUKM-ja u shprehën për zgjedhje të reja parlamentare, bashkë me ato lokale.
Deputeti i BDI-së, Xhevat Ademi, para se të nisë seanca tha se edhe kjo formë e debatit në kuvend, është e lejueshme, ndërkaq i pyetur nëse ka ndonjë plan tjetër për çbllokimin e kuvendit, Ademi tha nuk ndahet gjithçka me opinionin, çka lë të kuptohet se ka një plan tjetër.
Zoran Zaevi nga LSDM-ja u shpreh para seancës se është mirë që kuvendi filloi me punë, dhe se është mirë që të ketë debat, duke shprehur se do të bëjnë gjithçka që të ecin proceset përpara, sepse sipas tij, Maqedonisë i duhet qeveri./Telegrafi/
