Sulmuesi i Manchester Cityt, Julian Alvarez pranon se mund të luajë lehtësisht për Real Madridin.
Argjentinasi kaloi me sukses fazën testuese te Los Blanocs kur ishte 11-vjeçar, por burokracia e pengoi sulmuesin të nënshkruante për Los Merengues.
“Unë isha duke luajtur në kampionatet e fëmijëve. Isha 11 vjeç dhe deri disa vite më vonë Real Madridi nuk mundi të nënshkruante përgjithmonë me mua”, ka thënë fillimisht ai.
“Për ta bërë këtë, e gjithë familja ime duhej të transferohej atje, kështu që vendosa të kthehesha në Kordobë”.
Skauti i Realit, Piero Foglia gjithashtu kujtoi për Infobae: “Ai nuk ishte nënshkruar me AFA (Shoqata Argjentinase e Futbollit) dhe unë guxova ta rekomandoja te një drejtor sportiv i Real Madridit për shkak të një kontakti që kisha”.
“Julian ishte në lartësinë e detyrës. Ai luajti në një turne dhe u bë kampion. Na duhej të prisnim deri në moshën 16-vjeçare. Nëse të njëjtat rregullore do të kishin qenë në fuqi si kur Messi mbërriti në Barcelonë, Julian Alvarez do të ishte një Futbollisti i Real Madridit”. /Telegrafi/