Granit Xhaka është njëri prej futbollistëve të parë që i ka uruar mirëseardhje Stephan Lichtsteinerit te Arsenali.
Mbrojtësi i djathtë është larguar nga Juventusi si lojtar i lirë dhe ka nënshkruar për klubin nga Liga Premier.
Our new signing has already been meeting club legends 🤝#WillkommenStephan pic.twitter.com/czbb3uSkRg
— Arsenal FC (@Arsenal) June 5, 2018
Te Topçinjtë, ai do të takohet me bashkëlojtarin e tij nga përfaqësuesja, mesfushorin shqiptar Granit Xhaka.
Dhe natyrisht se Xhaka e ka mirëpritur lajmin për zyrtarizimin e 34-vjeçarit te klubi nga Emirates.
Ai e ka publikuar një fotografi të Lichtsteinerit në profilin e tij në Instagram për t’i uruar mirëseardhje.
“Mirë se vjen në familjen e Topçinjve”, ka shkruar Xhaka në përshkrimin e fotografisë.
Kujtojmë që para se t’i bashkohej Juventusit (në vitin 2011), Lichtsteiner ka luajtur edhe te Lazio (2008–2011), Lille (2005–2008) dhe Grasshopper (2001–2005). /Telegrafi/