Legjenda spanjolle, Xavi Hernandez ka refuzuar të pranojë krahasimet me ish-trajnerin dhe bashkëlojtarin e tij Pep Guardiola.
Xavi po lënë përshtypje të mira si trajner i skuadrës Al Sadd dhe tani kanë filluar krahasimet e tij me trajnerë të njohur.
Njëri nga ta padyshim së është trajneri i Manchester Cityt, Guardiola, pasi të dy vijnë nga vendi dhe karriera thuajse e njëjtë, në Barcelonë.
Megjithatë, Xavi ka refuzuar t’i pranojë krahasimet me Guardiolan, pasi sipas tij ai është në një nivel tjetër.
“Faleminderit shumë, por jo, jo në këtë moment nuk mund të ketë krahasime me nivelin e arritur nga Pep Guardiola”, ka thënë fillimisht Xavi.
“Unë jam në fillet e karrierës sime. Jam i lumtur sot sigurisht, por Guardiola është në një nivel tjetër. Ai është një nivel tjetër”, përfundoi spanjolli. /Telegrafi/