Barcelona nuk do të kompletojë triumfin e tre trofeve vendas këtë sezon, pasi u eliminua në mënyrë të turpshme nga Copa del Rey apo Kupa e Mbretit të mërkurën në mbrëmje nga Real Madridi, pas një humbje 0-4 në ndeshjen kthyese.
Mikpritësit patën më të mirën nga loja në pjesën e parë, por goli hapës i Vinicius Jr pak para pushimit e vrau Barcelonën dhe Karim Benzema që shtoi një tjetër vetëm pesë minuta nga fillimi i pjesës së dytë do të thoshte se ata nuk u rikuperuan kurrë.
Xavi Hernandez pranoi se goli i Benzemas ishte pika e kthesës së ndeshjes, teksa foli për media pas ndeshjes.
“Në pjesën e parë ishim shumë mirë. Duhet të kishim ndalur kundërsulmin e tyre për golin e tyre të parë”, ka thënë fillimisht Xavi.
“Goli i dytë vetëm pas pjesës së parë na vrau. Duhet të jemi autokritikë dhe të vazhdojmë”.
Barcelona ishte pa katër lojtarët kryesorë të ekipit të parë, Andreas Christensen, Frenkie De Jong, Pedri dhe Ousmane Dembele, por Xavi nuk donte të përdorte mungesat e tyre si justifikim për rezultatin.
“Do të tingëllonte si një justifikim nëse flasim për lëndime. Ne konkurruam shumë mirë në ndeshjen e parë dhe në pjesën e parë. Ndihem krenar për këtë”.
“E kam thënë tashmë se Real Madridi ishte favorit, ata janë fituesit e fundit të Ligës së Kampionëve”, përfundoi trajneri i Barçës.
Barcelona do ta kthejë vëmendjen e saj vetëm drejt La Ligës, ku janë në një pozicion komandues për të fituar titullin e tyre të parë në katër vjet. /Telegrafi/