Trajneri i Barcelonës, Xavi Hernandez nuk u pajtua me Pep Guardiolën për vlerësimin e tij për situatën aktuale në Spanjë, me pikën kryesore të bisedës së javës se si e trajton vendi problemin e racizimit.
Të premten, strategu i Manchester City u pyet se çfarë mendonte për ngjarjet në Spanjë, pas abuzimit racor ndaj Vinicius Junior të dielën e kaluar. Ai tha se edhe pse mund të jetë një pikë kthese, “duke e njohur pak vendin, nuk jam optimist”.
Përpara përballjes së Barcelonës me Real Mallorca, Xavi i tha Marcas se ai ishte më pozitiv për gjërat në Spanjë.
“Unë nuk jam dakord me Pep. Dhe unë jam dakord me të pothuajse për çdo gjë, por jo këtu”, deklaroi trajneri i katalunasëve.
“Është çështje edukative. Nëse qëndrojmë siç jemi, nuk do të avancojmë, por nëse loja ndalet një ditë tjetër dhe ata shkojnë në shtëpi, ne po edukojmë. Fyerjet nuk janë normale. Është çështje e shtetit, federatave, qeverisë, La Ligës”.
Xavi kishte thënë më parë se kultura e përgjithshme e ofendimit të lojtarëve dhe stafit në futboll në Spanjë nuk ishte normale, dhe ndërsa racizmi duhet të trajtohet, duhet parë edhe kultura më e gjerë.
“La Liga dhe RFEF kanë vepruar nën presionin ndërkombëtar për të adresuar çështjen pas racizmit ndaj Vinicius. Kur ndodh incidenti i radhës, është e rëndësishme që reagimi të jetë i njëjtë dhe përpjekjet për të çrrënjosur racizmin nga stadiumet të mbeten të qëndrueshme”, ka shtuar më tej strategu i Barcelonës. /Telegrafi/