Wladimir Klitschko i cili iu bashkua ushtrisë ukrainase për ta luftuar agresionin rus, ka publikuar një video prekëse në rrjetet sociale.
Në videon e tij shihen fëmijët e frikësuar, që po terrorizohen nga bombat dhe sulmet e vazhdueshme ruse mbi qytetet ukrainase, transmeton Telegrafi.
“Dëgjoni ata! Dëgjoni zërin e këtyre fëmijëve që po frikësohen për jetën e tyre. Shumë tjerë tashmë kanë humbur jetën. Kjo po ndodh sot. Është realiteti i një lufte të tmerrshme. Veproni tani! Shpëtoni fëmijët! Ndaleni Rusinë, ndaleni luftën e Putinit”, ka shkruar Klitschko në profilin e tij në Twitter.
Në anën tjetër vëllai i tij Vitali që njëherit është kryetar i Kievit, gjithashtu ka marrë pushkën në dorë dhe mbron me dinjitet vendin e tij kundër ushtrisë së Putinit. /Telegrafi/
Listen to them! Listen to the voices of these children fearing for their lives. Many others we have already lost. This is today. This is the reality of a hideous war. Act now! Save the children! #StopRussia #StopPutinsWar pic.twitter.com/b727MwfjXZ
— Klitschko (@Klitschko) March 1, 2022