Sulmuesi anësor i Chelsea, Willian dëshiron të kryej me sukses transferimin e tij te gjiganti spanjoll, Barcelona.
Barcelona është në kërkim të emrave të rinj për të përforcuar skuadrën për sezonin e ri pas dështimit në Ligën e Kampionëve.
Pas shumë emrave të lidhur për vijën e sulmit, tani në pah ka dal edhe brazilian i Chelseat, Willian, i cili pëlqehet shumë nga Barcelona.
Willian ka qenë i lidhur me Manchester Unitedi këtë verë dhe një ribashkim me trajnerin Jose Mourinho, por tani si duket kanë ndryshuar gjëra.
Mediat në Spanjë raportojnë se lojtari dëshiron të kalojë në Camp Nou pasi ai dëshiron të bashkohet me Lionel Messin.
Sipas gazetës Mundo Deportivo, sulmuesi anësor i Bluve po bën presion për të përfunduar një transferim në Barcelonë.
Blutë kanë vendosur një çmim prej 80 milionë eurosh, por Barça ka refuzuar të përkulet ndaj kësaj kërkese dhe dëshiron ta shohë atë në Camp Nou.
Për Willian e interesuar është edhe skuadra tjetër spanjolle, Atletico Madrid. /Telegrafi/