E ardhmja e Harry Maguire vazhdon të jetë ende në dyshim nëse do të mbetet apo do të largohet nga Manchester United.
Qendërmbrojtësi anglez në fakt nuk bën pjesë në planet e trajnerit Erik Ten Hag, por transferimi i tij te West Ham dështoi ditë më parë.
Skuadra angleze po insiston për t’i fituar shërbimet e tij dhe është rikthyer në garë për të nënshkruar me reprezentuesin anglez.
Man Utd kishte refuzuar një ofertë prej 39 milionë eurove për qendërmbrojtësin, derisa The Sun raporton se West Ham do të ngritë ofertën.
‘Çekanët’ janë të gatshëm të ofrojnë 45 milionë euro në drejtim të United për ta bindur klubin anglez të lejoj largimin e Maguire.
Vet qendërmbrojtësi është shprehur i hapur për t’iu bashkuar londinezëve pasi do të kishte një rol të rëndësishëm në qendër të mbrojtjes.
Gjithsesi ditët e fundit janë vendimtare për të ardhmen e Harry Maguire. /Telegrafi/