Arsene Wenger ka folur fjalë të mëdha për mesfushorin e Chelsea, N’Golo Kante.
Trajneri i Arsenalit e sheh me admirim punën e mesfushorit francez, Kante, pasi sipas tij prezenca e tij në fushë ka ndikim të madh.
“Unë pashë ndeshjen e tyre kundër Liverpoolit dhe N’Golo Kante pati një ndikim të madh”, ka thënë Wenger për mediat angleze.
“Kjo nuk është një rastësi që ata janë në atë pozitë, edhe Leicesteri ishin në këtë pozitë në vitin e kaluar”, përcjell Telegrafi.
Wenger u pyet edhe në lidhje me transferimin e tij te Arsenali, dhe francezi bëri me dije që ka provuar dy herë për të.
“Po. U përpoqa kur ai ishte në Francë, por edhe kur ai ishte në Leicester”, përfundoi trajneri i Arsenalit. /Telegrafi/