Aaron Wan-Bissaka është njëri nga talentet më të mëdha në Angli.
Mbrojtësi i djathtë i Crystal Palace ka shkëlqyer këtë edicion në Ligën Premier ku ka zgjuar interesimin e skuadrave të mëdha evropiane.
Në 33 ndeshje të zhvilluara, lojtari ka bërë tre asistime dhe ka bërë lojë fantastike në defensivë.
Manchester United, Tottenham, Chelsea, Bayern Munich e Borussia Dortmund kanë shprehur interesim për të.
Por vetë lojtari ka deklaruar për Evening Standard se do të qëndrojë te Crystal Palace.
“Jam i lumtur për interesimin e skuadrave të mëdha, kjo tregon se unë jam duke bërë mirë”, tha Wan-Bissaka.
“Unë kam edhe tri vite kontratë me Crystal Palace dhe jam i lumtur këtu. Do të qëndroj këtu”, u shpreh mbrojtësi këmbëshpejtë.
Gjithnjë sipas medieve angleze, Crystal Palace është gati ta lë të lirë yllin e tyre nëse vije një ofertë prej 45 milionë eurove. /Telegrafi/