Një peng izraelit është vrarë në Gaza, kanë njoftuar organizata të ndryshme të Izraelit.
Në një deklaratë të përbashkët të lëshuar për Haaretz, Kibbutz Be’eri dhe Forumi i Pengjeve e Familjeve të Zhdukura deklaruan se “me pikëllim të madh dhe zemër të thyer njoftojmë për vrasjen e Sahar Baruch, i cili u rrëmbye nga shtëpia prej terroristëve të Hamasit në Gaza”.
Grupi do të kërkojë kthimin e trupit të pajetë si pjesë e marrëveshjeve për kthimin e pengjeve, raporton skynews.
Theksojmë se edhe vëllai i tij, Idan është vrarë më 7 tetor nga grupi militantë palestinez Hamas.
Dje, Brigadat Al-Qassam të Hamasit njoftuan se luftëtarët e saj zbuluan një njësi të forcave speciale që po bënte përpjekje për shpëtim e pengjeve dhe se ka pasur të vdekur, por që izraelitët nuk ia arritën të shpëtonin të robëruarit.
Ndryshe, izraelitët thonë se 1200 njerëz u vranë dhe 240 u morën peng në sulmin e Hamasit.
Izraeli dhe Hamasi kanë shkëmbyer pengjet dhe të burgosurit disa javë më parë pas arritjes së një armëpushimit të ndërmjetësuar nga bashkësia ndërkombëtare. /Telegrafi/