Presidenti i Ukrainës, Volodymyr Zelensky tashmë ka mbërritur në Shtetet e Bashkuara të Amerikës.
Një zyrtar i lartë ukrainas konfirmoi për NBC News se tashmë presidenti ukrainas gjendet në SHBA, citon skynews.
Zelensky do të zhvillojë një takim me presidentin amerikan, Joe Biden dhe më pas do të shkojë në Capitol Hill për të folur në një seancë të përbashkët të Senatit dhe Dhomës së Përfaqësuesve.
Theksojmë kjo është vizita e parë e të parit të shtetit ukrainas në kryeqytetin amerikan që nga fillimi i pushtimit rus më 24 shkurt, shkruan cnn.
Ndryshe, sekretari amerikan i Shtetit, Antony Blinken njoftoi një ndihmë shtesë prej 1.85 miliard dollarësh për sigurinë e Ukrainës, duke përfshirë transferimin e parë të sistemit të mbrojtjes raketore Patriot.
Patriot është një sistem i avancuar i mbrojtjes ajrore me rreze të gjatë që është shumë efektive në kapjen e raketave balistike dhe të lundrimit. /Telegrafi/
