Një vajzë 7-vjeçare që këndoi këngën “Let It Go” të filmit “Frozen” brenda një bunkeri në Kiev tani po këndon për një audiencë tjetër – mijëra persona u mblodhën në Poloni për të mbledhur para për të mbështetur ukrainasit si ajo që po ikin nga lufta.
Sipas medieve të huaja, përcjell Telegrafi, vajza, Amelia Anisovych, tani një refugjate në Poloni, këndoi himnin kombëtar të Ukrainës në një arenë në Lodz të dielën.
E veshur me një fustan të bardhë folklorik të qëndisur me lule të kuqe, të bardha dhe blu, Amelia doli në qendër të skenës dhe këndoi himnin e Ukrainës.
Javë më parë, në ditët e para të pushtimit rus të Ukrainës, ajo këndoi me të njëjtin zë të qartë dhe të lartë, “Не боюсь ничего уже” – rusisht që i bie “Unë nuk kam më frikë nga asgjë”, derisa shpërthimet mund të dëgjoheshin lart.
Videoja u shikua nga miliona njerëz, duke arritur madje edhe te kasti i “Frozen”. /Telegrafi/
