“Vizion” është titulli i këngës së pestë nga albumi i ri i S4MM në atë që e ka quajtur “Java e Legjendës”.
Reperi nga Tetova ka përgatitur shtatë këngë, të cilat është duke i lansuar çdo ditë nga një, të shoqëruara me videoklip.
Gjatë të dielës, ai e ka publikuar këngën “Vizion” që është realizim nga Niz x Don Gima dhe Nextlanebeats.
Për anën vizuale, ashtu si në të gjitha videoklipet, është kujdesur Grandmedia /AVFilms.
“Mir se vjen”, “S’po du me dek i ri”, “Mos um fol” dhe “E preferume” – janë këngët tjera të publikuara deri më tani.
Ndërsa kanë mbetur të lansohen edhe dy projekte nga ky album, bashkëpunimi me Illmill, “Gunshots” dhe kënga e fundit, “The Best”. /Telegrafi/