Vera Ora, nëna e këngëtares së famshme, Rita Ora, e ka shpërndarë një fotografi në rrjetet sociale, në të cilën ndodhen tre fëmijët e saj dhe e ka shoqëruar me një mesazh për të gjitha nënat.
Elena, Doni dhe Rita ndodhen duke u larë në një vaskë, në një moshë shumë të vogël.
“Një nga objektivat kryesore të nënave është që t’i mësojnë fëmijët e tyre për dashurinë e pakusht. Urime dita e nënave për të gjithë mbretëreshat kudo që ndodheni”, ka shkruar Vera në përshkrimin e fotografisë.
Ndryshe, festa e Ditës së Nënës nderon nënë e familjes dhe amësinë në përgjithësi, lidhjet amësore dhe ndikimin e nënave në shoqëri.
Dita moderne e Nënës në Shtetet e Bashkuara zakonisht festohet në të dielën e dytë të muajit maj, ndërsa në Mbretërinë e Bashkuar është lidhur me festat krishtere dhe këtë vit ishte më 22 mars, ndërsa në vitin 2021 do të festohet më 14 mars. /Telegrafi/