Vendimi i Kylian Mbappes rreth të ardhmes, është padyshim një lajm i keq për Liverpoolin

Kylian Mbappe raportohet se është gati të qëndrojë në Paris Saint-Germain në vend që të vulosë një transferim te Real Madrid.

Reprezentuesi francez është pritur që të transferohet te Los Blancos për disa kohë tani, por Le Parisien raporton se ai është i lumtur në Paris dhe mund të nënshkruajë një kontratë të re përpara se marrëveshja e tij aktuale të skadojë në verë.

Si ndikon kjo në Liverpool? Epo, ende nuk mund të dihet sigurt, por dikush pret që Reali nuk do të rrijë duarkryq dhe të nënshkruajë me një lojtar të kalibrit të lartë.

Lexo po ashtu Afati kalimtar veror 2022

Mbappe është një nga lojtarët më të mirë në botë dhe do të kishte qenë ideal për Realin, por një Plan B shumë i pranueshëm mund ta presë në Anfield – Mohamed Salah.

Egjiptiani është në formën e jetës së tij për momentin dhe gjithashtu është në një situatë paksa të pasigurt të kontratës, me marrëveshjen e tij aktuale që do të skadojë në fund të sezonit të ardhshëm.

Salah gjithashtu ka ndezur zërat për një lëvizje në Spanjë në të kaluarën, duke i dhënë një përgjigje pozitive Marcas kur u pyet për mundësinë e bashkimit me Real Madridin ose Barcelonën.

Ky operacion mund të arrihet me një shumë të parave dhe me shërbimet e Eden Hazardit që nuk është në planet e mbretërve.

Liverpool tani me siguri duhet të veprojë shpejt dhe të sigurojë një marrëveshje të re për Salah, ose përndryshe do të jenë disa muaj shumë të vështirë përpara tyre.

Skuadra e Jurgen Klopp tashmë ka humbur terren në garën për titull në Ligën Premier, dhe nëse Manchester City vazhdon të dominojë ligën, do të ishte e vështirë që egjiptiani të qëndronte.

29-vjeçari tashmë pak a shumë e ka të garantuar statusin e legjendës në Liverpool për gjithçka që ka arritur që kur iu bashkua klubit pesë vjet më parë, kështu që një kalim te Real Madridi mund trë mos përjashtohet.

Sigurisht, do të ketë edhe opsione të tjera për Madridin, me lojtarë si Erling Haaland dhe Robert Leëandoëski gjithashtu me siguri që do të jenë si alternativa të Mbappes, por LFC gjithashtu duhet të jetë në gatishmëri pas këtij lajmi. /Telegrafi/