Një aksident me fatalitet ka ndodhur të hënën në rrugën “Ibrahim Rugova”, në Lipjan.
Lajmin e ka konfirmuar zëdhënësi i policisë, Agron Borovci.
Ai bëri të ditur se viktima është i moshës 71-vjeçare.
Sipas tij, kamioni ka përplasur veturën në të cilën ndodhej shoferi që ka ndërruar jetë.
“Rreth orës 14:00, është pranuar informata për një aksident trafiku rrugor të ndodhur në rrugën “Ibrahim Rugova” në Lipjan. Nga informatat e para është bërë e ditur se në aksident janë përfshirë një veturë dhe një kamion dhe për pasojë një person, mashkull, 71-vjeç, ka humbur jetën”, tha Borovci.
Policia ka dalë në vendin e ngjarjes dhe ka nisur punën për hetimin e shkaqeve që kanë sjellë deri te aksidenti.
Ndërsa me urdhër të prokurorit të shtetit vozitësi i kamionit është dërguar në mbajtje prej 48 orësh./Telegrafi/