Në seancën ku pritet të votohet buxheti për vitin 2021, ka ndodhur një përplasje mes shefit të Grupit Parlamentar të LDK-së, Arben Gashi dhe atij të LVV-së, Liburn Aliu.
Deputeti i LVV-së, Liburn Aliu ka thënë se sa herë që flet deputeti Gashi, qytetarët vetëdijesohen, transmeton Telegrafi.
“Me diskursin dhe gjuhën tuaj arrogante keni bërë që qytetarët ta kuptojnë realitetin. Diskursi juaj po ndikon në vetëdijesimin e qytetarëve, vazhdoni kështu”, ka thënë Aliu.
Pas deklaratës së deputetit Aliu ka reaguar sërish Gashi. Ai ka thënë se nuk e trembin deklaratat e LVV-së.
“Vazhdojmë me mentalitetin e paranojës, kjo paranojë kolektive nuk më tremb, përballna me ju me secilin dhe me të gjithë së bashku”, ka thënë Gashi.
Seanca është duke vazhduar./Telegrafi/
