Xhuli Nura ka shprehur një pëlqim tashmë për banorin e ri të Big Brother VIP Kosova, Atdhe Xheravinën.
Ajo tha se është e hapur për njohje të reja, ndërkohë që është parë vazhdimisht në krahët e tij.
Së fundmi banorët qenë pre e një rrengu duke menduar se ka ditëlindjen ish-konkurrenti i “Përputhen” dhe me këtë rast iu përgatit një tortë nga Nura.
Pas kësaj, dyshja u shfaqën duke biseduar me njëri-tjetrin teksa nuk munguan as puthjet e përqafimet.
Duket se ata po vazhdojnë të kenë një afrimitet të madh, përkundër se nuk janë shprehur më shumë në lidhje me këtë raport.
Ngacmimet janë të shumta, por në vazhdim pritet të shihet se di do të rrjedhë marrëdhënia e tyre.
Theksojmë që banori i fundit që iu bashkua shtëpisë së famshme është aktori Vedat Bajrami. /Telegrafi/
