Ka tashmë disa muaj që është bërë pjesë e disa aksioneve humanitare.
Reperi i njohur Capital, së bashku me hoxhë Halil Kastratin u kanë dalë në ndihmë disa familjeve në nevojë.
Javë më parë ata së bashku bënë pesë familje skamnore me shtëpi, e ndërsa për fundvit po vazhdojnë të jenë pjesë e aksioneve të shumta humanitare.
Capital T së fundmi iu bashkua një tjetër iniciative për të dhuruar disa dhurata simbolike për fëmijët në nevojë këtë fundvit.
Ai publikoi disa fotografi në rrjetin social Instagram, ku ka treguar momentet nga aksioni i ndërmarrë në Prishtinë.
“Sot përfundoi edhe një aksion, diçka simbolike për këta fëmijë në prag të festave të fundvitit. Shfrytëzoj rastin me i falënderu @molikamaxhuni dhe @kaltrinezeneli, të cilat e kanë kryer krejt punën, gjithashtu @sadikhoti1 që ka kontribuuar edhe ka qenë i pranishëm me ne”, ka shkruar Capital T në Instagram.
Ndërkohë, pëlqimet dhe komentet e shumta pozitive nga ana e fansave nuk kanë munguar, shumë prej të cilëve e kanë komplimentuar për këtë gjest fisnik. /Telegrafi/