Mesfushori i Ajaxit, Donny van de Beek, ka konfirmuar se Real Madridi dëshiron ta transferojë atë në këtë afat kalimtar.
Marca dhe Diario As, kanë raportuar sot (2 gusht) se mesfushori holandez do të kalojë te Los Blancos në këtë afat veror.
“Po, Real Madridi është i interesuar për mua, por ju jeni duke shkuar shumë shpejtë”, u ka thënë van de Beek gazetarëve, raporton Caden Cope.
“Nuk dua të flas për atë se çfarë është dhe nuk është, tani unë dua të fokusohem për ndeshjen ndaj Vitesses”, ka shtuar më tej holandezi.
Mesfushori 22-vjeçar ka shënuar 17 gola, duke përfshirë një gol në përballjen e parë ndaj Tottenham Hotspurit në Ligën e Kampionëve.
Raportohet se Ajaxi e vlerëson van de Beekin në shumën e 65 milionë euro, por Real Madridi nuk ofron më shumë se 50 milionë. /Telegrafi/