Trajneri i Barcelonës, Ernesto Valverde pritet të bëjë shumë ndryshime në takimin ndaj Interit në Ligën e Kampionëve.
Barcelona është mysafire e Interit në ndeshjen e fundit të grupeve në kuadër të Ligës së Kampionëve, takim që zhvillohet të martën mbrëma.
Gjiganti katalunas tashmë e ka siguruar kalimin e grupit nga pozita e parë dhe kjo ndeshje nuk ka ndonjë rëndësi të veçantë për ta.
Sipas gazetës spanjolle AS, Valverde pritet t’i pushoj yjet kryesore të ekipit dhe të bëjë deri në nëntë ndryshime në këtë takim.
Lionel Messi, Sergio Busquets dhe Luis Suarez do të humbasin ndeshjen, ndërsa Sergi Roberto, Clement Lenglet, Gerard Pique dhe Ivan Rakitic ka të ngjarë të udhëtojnë, por të luajnë një rol të kufizuar.
Valverde do të përdorë mundësinë pra t’i japë kohë disa emrave që kanë luajtur më pak si: Neto, Wague, Todibo, Samuel Umtiti, Carles Alena, Arturo Vidal dhe Carles Perez, ku të gjithë mund të luajnë titullar kundër Interit.
Lojtarët e Barcelona B, Riqui Puig, Collado, Abel dhe Hiroki Abe të gjithë mund të janë gjithashtu në skuadër dhe të marrin kohë loje.
Formacioni i mundshëm i Barcelonës: Neto; Wague, Todibo, Umtiti, Junior Firpo; De Jong, Alena, Vidal; Carles Perez, Griezmann, Ansu Fati.
/Telegrafi/
