Këngëtari i njohur nga Gjakova, Valon Shehu, ka qenë personazhi i radhës që ka nisur aventurën brenda shtëpisë së Big Brother VIP.
Ai pati një prezantim interesant, pasi ishte në oborrin e shtëpisë duke interpretuar me kitarë, në kohën kur banorët u njoftuan se ai do të hynte në shtëpi.
Me të marrë lajmin se ai do të jetë konkurrenti i ri, banorët kanë vrapuar drejt tij për ta takuar.
Fifi ka qenë e para e cila është drejtuar me vrull drejt Valoni, e teksa e ka bërë këtë gjë, ajo është penguar dy herë në oborrin e shtëpisë duke u rrëzuar aksidentalisht.
Këngëtarja e hitit “Marova” është shprehur e lumtur në momentin që ka takuar Valonin, duke e përqafuar dhe uruar mirëseardhje.
Krejt kjo ndodhi pas një momenti jo të mirë të Fifit gjatë spektaklit, e cila humbi ndjenjat gjatë një debati të ashpër me opinionisten e programit, Balina Bodinakun. /Telegrafi/