E plotësuar: Është zhbllokuar rruga “Bill Clinton” në Prishtinë, ndërsa në valixhe nuk është gjetur asgjë e dyshimtë.
Flora Ahmeti, zëdhënëse e Policisë për rajonin e Prishtinës tha se Policia ka arritur të identifikojë pronarin e valixhes.
“Rreth orës 13:00, ka përfunduar ekzaminimi i vendit të ngjarjes në rrugën ‘Bill Clinton’. Në valixhe nuk është gjet asgjë e dyshimtë. Hetuesit policor kanë arrit të identifikojnë pronarin e valixhes. Rruga është hapur për qarkullim, ndërkohë që hetuesit policor po merren me rastin”, tha ajo.
Gjendet një valixhe e dyshimtë, bllokohet një pjesë e rrugës “Bill Kllinton”
E plotësuar: Policia e Kosovës sot ka marrë informatën për një valixhe të dyshimtë në rrugën “Bill Kllinton” në Prishtinë, duke bërë kështu që një pjesë e kësaj rruge të bllokohet.
Lajmin për Telegrafin e ka konfirmuar, zëdhënësja e policisë Flora Ahmeti.
Ahmeti ka thënë se policia është në vendin e ngjarjes dhe është duke bërë ekzaminimet e duhura.
“Rreth orës 10:30,kemi pranuar një informacion se në rrugën ‘Bill Kllinton’ ndodhet një valixhe e dyshimtë. Aktualisht në vendin e ngjarjes janë ekipet e nevojshme policore. Një pjesë e rrugës ‘Bill Kllinton’ është ndaluar për qarkullim, do të lirohet pas përfundimit të ekzaminimit të vendit të ngjarjes, kur edhe do të njoftoheni edhe për detaje të tjera”, ka thënë Ahmeti. /Telegrafi/
