Është konfirmuar tashmë, se ndeshja e kthimit në mes të Valencian dhe Atalantas në Mestalla në kuadër të Ligës së Kampionëve dhe ajo e Ligës së Evropës në mes të Getafes dhe Interit do të luhet pas dyerve të mbyllura për shkak të Coronavirusit.
Mediumi i njohur spanjoll Cadena Cope bart lajmin se ndeshja nuk do të jetë e hapur për tifozët për shkak të këshillave të autoriteteve lokale të shëndetit.
Edhe ndeshja e Getafes në shtëpi kundër Interit në Ligën e Evropës këtë muaj do të luhet gjithashtu pas dyerve të mbyllura, raportojnë mediat spanjolle.
The following European ties will be played behind closed doors next month, following coronavirus fears:
🇪🇸 Valencia vs. Atalanta 🇮🇹
🇪🇸 Getafe vs. Inter Milan 🇮🇹 pic.twitter.com/h0aUmkq6cv— SpOrTs ToWn. (@Sportstown01) March 3, 2020
Valencia konfirmoi në një deklaratë të premten pasdite se të gjitha ngjarjet jo-futbollistike, përfshirë konferencat për shtyp, nuk do të ndodhin deri në njoftimin e mëtejshëm mbi këshillat e autoriteteve lokale të shëndetit.
Kjo ishte në vazhdën e asaj që katër tifozëve të Valencias dhe një gazetari vendas iu këshilluan të izolohen pasi u kthyen nga ndeshje e luajtur në Milano, ku u raportuan me simptoma të coronavirusit.
Përhapja e virusit ka çuar në anulimin e një numri ngjarjesh sportive në të gjithë Evropën përfshirë një numër ndeshjesh në Serie A, me Italinë veriore që raportojnë raste të shumta të virusit. /Telegrafi/