Myrto Uzuni është deklaruar pas ndeshjes me Anglinë, aty ku Shqipëria pësoi humbje 2-0 në Air Albania.
Sulmuesi shqiptar ka pranuar se kuqezinjtë e kishin të vështirë në ballafaqimin me Tre Luanët në kuadër të grupit I të eliminatoreve për Botërorin 2022.
“Mundësia ekzistonte, kam mundur të shënoj dhe ndoshta mund të merrnim një pikë”, deklaroi Uzuni pas ndeshjes për Supersport.
“Anglia është kundërshtar i fortë, i nivelit të lartë. Ishim duke luajtur me Anglinë, jo me ndonjë ekip të lehtë. Ishte e vështirë të depërtonim në mbrojtjen e Anglisë”, theksoi ai.
Anglia është lider i Grupit I me gjashtë pikë, Shqipëria në të dytin me tre sosh, Polonia dhe Hungaria me nga një dhe Andorra e San Marino ende pa pikë.