Ushtria ukrainase tallet me rusët pas çlirimit të disa zonave, parakalojnë me tanke – disa tentojnë të “lundrojnë” me to

Larg vijave të frontit, trupat ukrainase kanë treguar se akoma nuk e kanë humbur sensin e tyre të humorit – duke u tallur paksa me rusët derisa parakalonin me tanke në një zonë të gjelbëruar që deri më tani kontrollohej nga rusët.

Ministria ukrainase e Mbrojtjes, ka publikuar në Twitter videon ku shihen tanket ukrainase duke kaluar, ku në njërën prej tyre shihen ushtarët duke bërë paksa humor – kinse janë duke lundruar me mjetin e blinduar dhe e ndihmonin të lëvizte me lopata, transmeton Telegrafi.

Videoja deri më tani është shikuar nga dhjetëra mijëra njerëz si dhe ka marrë shumë pëlqime. E në zonën ku ata janë shfaqur, dikur ishte nën kontrollin e forcave ruse.

Tani që rajoni i Kharkivit është pothuajse i çliruar pas kundërofensivës, ukrainasit po gjejnë kohë që të tallen me rusët të cilët janë tërhequr dhe kanë lënë pas vetes sasi të madhe municioni.

Madje ikja e tyre ishte aq e befasishme, sa që artileri, tanke e municion të shumtë lanë pas vetes, ku shumica prej tyre ishin pothuajse të paprekura (si të reja). /Telegrafi/