Një buldozer i ushtrisë izraelite ka hasur në eksploziv, derisa tentonte të demolonte një shtëpi në Bregun Perëndimor.
“Grupet inxhinierike të ushtrisë izraelite gjetën eksploziv, që kishte për qëllim t’i shkaktojë dëme forcave tona dhe kampin e refugjatëve në Jenin”, thuhet në kumtesën e izraelitëve, transmeton Telegrafi.
Madje është shfaqur videoja që tregon momentin kur një buldozer hasë në eksploziv. Aty pasuan përleshjet, kur IDF-ja izraelite përdori dronët për të eliminuar “palestinezët e armatosur”.
Sipas raportit të izraelitëve, dy palestinezëve kanë humbur jetën në këto përleshje.
Buldozerët gjenden në lokacionin ku ka ndodhur shpërthimi, dhe janë dërguar me urdhër të eprorëve të lartë të ushtrisë për të demoluar shtëpinë e Daud Faiz.
Izraelitët pretendojnë se Faiz ka vrarë një ushtar izraelit, duke e shtypur me veturë. /Telegrafi/
IDF says troops operated in the West Bank's Jenin refugee camp overnight, with D9 bulldozers uncovering and destroying dozens of IEDs. Troops also clashed with gunmen, and the IDF says it carried out a drone strike against a group of armed Palestinians who were shooting at… pic.twitter.com/nUDB1lcZ4q
— Emanuel (Mannie) Fabian (@manniefabian) November 9, 2023