Një gjykatë ushtarake ruse dënoi një snajperist për vrasje, i cili qëlloi kolegët e tij me armë teksa pinte vodka në vijën e frontit.
Pas kësaj, ai u përpoq ta maskonte vrasjen si vepër e diversantëve ukrainas, transmeton Telegrafi.
Rasti i Ivan Alekseyev, i cili u mobilizua tetorin e kaluar, u diskutua publikisht nga gjykata e garnizonit në Novocherkassk.
I akuzuari e pranoi fajësinë. Krimi ka ndodhur këtë vit më 13 janar, kur katër ushtarë në llogore po festonin Vitin e Ri të vjetër, që është termi rus për Vitin e Ri sipas kalendarit julian të “vjetër” që përdoret sot e më pas nga Kisha Ortodokse.
Në mesnatë situata në strehimore u intensifikua. Njëri nga ushtarët, i pakënaqur me fjalimin me zë të lartë të Alekseyev, e qortoi dhe e goditi menjëherë me grusht në kokë.
Dy ushtarë të tjerë penguan fillimin e përleshjes. Më vonë, megjithatë, ata shkuan për të fjetur, dhe vetëm dy pjesëmarrës në konflikt mbetën në strehimore.
Sipas të pandehurit, sapo kanë mbetur vetëm, kundërshtari e ka sulmuar sërish, fillimisht me grushte, por më pas ai ka marrë një AK-74 (Kallashnikov) dhe ka tentuar të qëllojë, por snajperisti që nuk ka qenë edhe aq i dehur, e qëlloi në kokë me pushkë snajper SVD-S.
Alekseyev më pas e tërhoqi trupin larg nga mbulesa larg istikameve, ku e goditi me thikë disa herë të tjera për të portretizuar vrasjen si një humbje luftimi të shkaktuar nga diversantët ukrainas.
Të nesërmen, rreth 20 metra larg strehës u gjet një trup me një plumb në kokë. Në të është gjetur edhe një plumb që ka kaluar në kokën e të vdekurit, të cilin vrasësi nuk e ka gjetur dhe e ka fshehur me nxitim.
Ai fillimisht u përpoq të pretendonte vetëmbrojtje përpara se të tregonte në detaje se çfarë ndodhi në strehimore dhe të pranonte plotësisht fajin e tij.
Gjykata mori parasysh rrethanat lehtësuese dhe arritjet në luftë të snajperistit, i cili u dekorua me dekorata lufte.
Alekseyev, i cili u kërcënua me 15 vjet burgim, u dënua me tetë vjet qëndrim në një kamp regjimi të rreptë. Ai gjithashtu duhet t’i paguajë një tarifë një avokati të caktuar zyrtarisht. /Telegrafi/