Eduardo Camavinga është njëri nga mesfushorët më të talentuar për momentin në Evropë.
Francezi ka shkëlqyer në dy vitet e fundit me Stade Rennes dhe ka zgjuar interesimin e skuadrave të mëdha evropiane.
Real Madrid shihet si skuadra favorite për të nënshkruar me lojtarin në verën e vitit 2021, por tani Los Blancos kanë konkurrencën e Manchester United.
18-vjeçari pëlqehet shumë nga trajneri Ole Gunnar Solskjaer që e sheh si zëvendësimin adekuat të Paul Pogbas.
Mediat angleze kanë raportuar se United është gati të shpenzojë deri në 80 milionë euro për transferimin e lojtarit qysh në afatin kalimtar të janarit.
Gjithnjë sipas medieve në Angli, Djajtë e Kuq do të tentojnë transferimin e Camavingas në janar në mënyrë që ta fitojnë garën me Real Madridin për talentin francez.
Reprezentuesi i Kombëtares së Francës, këtë edicion ka zhvilluar 13 ndeshje me Rennes ku ka shënuar një gol dhe ka asistuar në një tjetër. /Telegrafi/