Unai Emery ka zbuluar se është afër të arritjes së një marrëveshje me mesfushorin e Real Madridit, Dani Ceballos.
Spanjolli 22-vjeçar gjatë ditës së sotme do të udhëtojë drejt Londrës pasi Zinedine Zidane konfirmoi se nuk llogaritë në shërbimet e tij.
“Ne ishim duke folur për mundësinë e sigurimit të shërbimeve të një lojtari në formë të huazimit”, tha fillimisht trajneri i Gunners.
“Kemi emra të ndryshëm, por Ceballos është një lojtar shumë i mirë. E njoh atë nga Betisi në fillim dhe më pas te Real Madridi”.
“Ai luajti shumë mirë te grupmoshat e të rinjve deri në 21 vjet, kur ekipi kombëtar u shpall kampion bote. Ai mund të luajë rolin e numrit tetë dhe dhjetë”, pohoi strategu i klubit londinez.
Ndryshe, Ceballos gjatë dy viteve të kaluara te mbretërit ka pasur 35 paraqitje dhe ka shënuar pesë gola në të gjitha garat. /Telegrafi/