Edhe pse çmimi i naftës dhe derivateve të tjera ka shënuar rënie të dukshme kohëve të fundit, çmimi i biletave të transportit publik nuk ka lëvizur aspak, por ka mbetur i njëjtë.
Qytetarët thonë se, duke pasur parasysh rënien e çmimeve të derivateve, duhet të ulet edhe çmimi i biletave. Por, ka të tjerë nuk duan ta komentojnë këtë çështje, pasi mendojnë se nuk do të ketë ulje të çmimeve.
Shoqata e operatorëve të transportit rrugor të udhëtareve, këtë ulje të çmimeve të naftës e konsiderojnë si shenjë të mirë për ekonominë e Kosovës. Por, nga ana tjetër, Jakup Berisha, kryetar i Shoqatës së Transportit Rrugor të Udhëtarëve, ka thënë se nuk do të ulën çmimet e biletave, sepse nafta merr pjesë vetëm 20 për qind të shpenzimeve tjera që ndikojnë në çmimin e biletës së udhëtimit dhe afarizimit të operatorëve ekonomikë të transportit rrugor të udhëtarëve. /Tribuna Channel/