Ukrainasit realizuan sulme të fuqishme brenda Rusisë

Ukraina shënjestroi territorin rus me të paktën 13 raketa dhe 84 dronë, duke shkaktuar një zjarr në një rafineri nafte në rajonin jugor të Rostovit, e cila u dogj për orë të tëra, thanë zyrtarët rusë.

Ndërsa Rusia përparon me ritmin e shpejtë që nga fillimi i luftës në vitin 2022, Ukraina po përpiqet të sulmojë infrastrukturën e naftës të Rusisë, e cila financon një pjesë të konsiderueshme të ekonomisë ruse të luftës.

Mbrojtja ajrore ruse rrëzoi 84 dronë mbi rajonet ruse, duke përfshirë 36 mbi rajonin e Rostovit, sipas ministrisë së mbrojtjes.

Ushtruesi i detyrës së Guvernatorit të Rostovit, Yuriy Slyushar, tha se Ukraina goditi rajonin me të paktën 13 raketa dhe dhjetëra dronë, duke shkaktuar një zjarr në rafinerinë e naftës në Novoshakhtinsk, e cila ka qenë një objektiv i Ukrainës në disa raste.

Të paktën një person u plagos gjatë sulmit, tha Slusar ndërsa zjarri është shuar herët në mëngjes.

Lexo po ashtu Si mund ta detyrojë Trumpi, Zelenskyn dhe Putinin të nisin bisedimet për paqe?

Nuk është ende e qartë se me cilat raketa ukrainasit kanë sulmuar Rostovin, megjithëse në fillim të këtij muaji Kievi goditi një aeroport ushtarak rus me raketa ATACMS të prodhuara nga SHBA, të cilat shkaktuan një sulm të madh rus në infrastrukturën energjetike të Ukrainës.

Ndryshe, pas miratimit të administratës së presidentit amerikan, Joe Biden, Ukraina sulmoi Rusinë më 19 nëntor me gjashtë ATACMS të prodhimit amerikan dhe më 21 nëntor me raketa britanike Storm Shadow dhe HIMARS të prodhimit amerikan. /Telegrafi/