Rusët mbrëmë kanë granatuar qytetin ukrainas Nikopol në rajonin Dnipropetrovsko, por shpejt pasoi kundërpërgjigja nga ana e ushtrisë ukrainase.
Kreu i ushtrisë ukrainase për atë rajon, Valentin Reznichenko, ka publikuar në Telegram fotografitë e dy grave të lënduara në këtë sulm në Nikopol, transmeton Telegrafi.
“Rusët kanë shpërndarë forcat, sistemet raketore dhe artilerinë e rëndë – duke e gjuajtur Nikopolin dhe rrethinën e këtij qyteti”, shkroi Reznichenko.
Nikopol është dëmtuar rëndë, pasi në këtë qytet ranë mbi 40 granata dhe raketa.
“Dy gra të moshën 46 dhe 82-vjeçe pësuan lëndime. Që të dyja janë hospitalizuar dhe sërish mbeten në gjendje të rëndë”, shtoi Reznichenko.
Janë shkatërruar mbi 40 blloqe të ndërtesave kolektive dhe shtëpisë private, 40 rrokaqiej dhe disa tubacione të gazit.
Në shenjë hakmarrje, aeroplanët e ushtrisë ukrainase kryen dy sulme ajrore mbi pozicionet ruse, kurse këmbësoria dhe artileria kanë goditur pozicionet dhe personelin e ushtrisë së Putinit, ku përfshiheshin edhe pajisjet ushtarake në anën e majtë të lumit Dnipro.
Ndër tjerash, ukrainasit kryen një sulm në ndërtesën brenda të cilës ishin shpërndarë 500 ushtarë rusë.
Siç është bërë e ditur nga ministria ukrainase e Mbrojtjes, është kryer sulmi me precizitet të lartë në ndërtesën në afërsi të lumit Dnipro, ku ishin shpërndarë rreth 500 ushtarë të forcave pushtuese.
“Pas goditjes mbi ushtarë rusë, janë mbushur dy kamionë me ushtarë të vdekur në qytetin Tavrijsk, e 56 tjerë janë parë të lënduar rëndë të cilët dërgoheshin në spitalin më të afërt, nga ku është konfirmuar 16 prej tyre kanë ndërruar jetë”, thuhet ndër tjera në kumtesë. /Telegrafi/