Trupat ukrainase nga Brigada e 81-të, janë filmuar duke përdorur minat për të “pastruar” istikamet brenda të cilave janë futur ushtarët rus në zonën malore Serenryanky.
E për t’i aktivizuar ato, ukrainasit po u vendosin nga një flakadan dhe më pas i fusin nëpër gropa që çojnë drejt istikameve ruse, transmeton Telegrafi.
Ushtarët ukrainas shihen duke vrapuar drejt një zone më të sigurt, në momentin që e hedhin ndonjë minë të tillë në istikame.
Zona malore Serebryansky është një rajon ku forcat e Vladimir Putinit kanë tentuar këto ditë të avancojnë.
Kurse në video shihen edhe pjesëtarët e kompanive Scuta dhe Batalioni Azov.
Serebryansky gjendet mes dy qyteteve Severeodonetsk dhe Lysychansk, që janë pushtuar nga rusët – e aty pranë gjenden qytetet tjera Slovyansk dhe Kramatorsk që janë nën kontrollin e ukrainasve. /Telegrafi/
