Ushtarët ukrainas nga Brigada e 73-të, kanë arritur të parandalojnë një sulm të trupave koreano-veriorë në Kursk të Rusisë – ku arritën t’ju shkaktonin humbje të mëdha.
Gjatë një tentimi të forcave ruse për të sulmuar ukrainasit, pjesëtarët e Brigadës 73 të ukrainasve hapën zjarr me MK-19 si dhe i goditën me dronë – duke i detyruar të tërhiqen.
Në këtë operacion ukrainasit arritën të vrasin 12 ushtarë koreano-verirorë dhe të plagosin 20 tjerë, transmeton Telegrafi.
Operatorët e dronëve kanë arritur të godasin makinerinë luftarake ruse dhe asaj të koreano-veriorëve, që në pamundësi të vazhdojnë sulmin, janë detyrat të tërhiqen.
Pamjet e filmuara me dron nga ajri, shfaqin këtë moment dhe fitoren e radhës nga ana e ushtrisë ukrainase. /Telegrafi/
