Forcat ukrainase në Severodonetsk duhet të dorëzohen ose të përballen me vdekjen.
Kështu, siç shkruan CNN, përcjell Telegrafi, ka thënë të hënën një lider i të ashtuquajturës Republika Popullore e Donetskut (DPR) separatiste në Ukrainën lindore.
“Ata kanë dy opsione: ose të ndjekin shembullin e kolegëve të tyre dhe të heqin dorë, ose të vdesin”, citohet të ketë thënë Eduard Basurin, nënkryetari i Departamentit të Milicisë Popullore në DPR.
“Ata nuk kanë asnjë alternativë tjetër”, ka shtuar ai.
Forcat ruse tani kanë kontrollin e pjesës më të madhe të Severodonetsk, epiqendra e betejës së përgjakshme për rajonin lindor të Donbasit të Ukrainës, por linjat ukrainase në qytet ende nuk duket se janë shkëputur plotësisht.
Serhiy Hayday, kreu i administratës ushtarake të rajonit të Luhanskut, tha të hënën se Ukraina ishte ende duke arritur të evakuonte disa njerëz nga qyteti, por kjo ishte e kufizuar nga shkalla e bombardimeve. /Telegrafi/