Ukrainasit godasin me dronë depot ruse të naftës

Pjesëtarët e njësisë për operacione speciale të ushtrisë ukrainase, kanë shkatërruar një depo nafte ruse në rajonin rus Kaluga.

Gjatë natës së 18 janarit, njësitë e SOF-it goditën me sukses depon e naftës së Rosneftit në fshatin Lyudinovo në rajonin rus Kaluga, transmeton Telegrafi.

Depoja e naftës ishte pjesë e Kaluganefteprodukt JSC që furnizon njësit e forcave ruse që janë të përfshira drejtpërdrejt në luftë në Ukrainë.

Nga inteligjenca ukrainase thonë se kanë përdorur dronë në një sulm tjetër mbi depot e naftës ruse në rajonin Tula – duke shkaktuar zjarr të madh.

Të paktën dhjetë dronë janë përdorur për të kryer sulmin në depon e naftës në Tula, kurse deri më tani nuk raportohet për viktima, por vetëm dëme materiale. /Telegrafi/