Forcat speciale të Ukrainës kanë arritur të shkatërrojnë një kullë vrojtimi të ushtrisë ruse – duke e goditur me predhën anti-tank.
Pamjet e publikuara më poshtë, shfaqin ushtarin që shkrep predhën dhe e cila më pas udhëton në një distancë të konsiderueshme para se ta godasë kullën në Bakhmut, në rajonin e Donetskut në lindje të Ukrainës.
Videoja është realizuar nga Komanda e forcave speciale, që merren ekskluzivisht me misione të veçanta ushtarake dhe që njihet si SSO.
“Operatorët shkatërruan kullën vrojtuese që rusët e shfrytëzonin. Ajo u godit me predhë anti-tank e njohur ndryshe si ATGM”, thuhet në kumtesën e kësaj njësie
Në anën tjetër, gjatë ditës së sotme ushtria ukrainase ka publikuar edhe pamje tjera të aksioneve ushtarake kundër rusëve.
Në një video shihet se si tanku i ushtrisë ruse bie në minë dhe hidhet në erë, kurse ukrainasit po e konsiderojnë si tejet të suksesshëm kundërofensivën e filluar javë më parë. /Telegrafi/
