Forcat ajrore të Ukrainës kanë thënë se kanë shkatërruar 29 nga 31 dronë dhe një raketë të lëshuar nga Rusia, kryesisht drejt rajoneve të Mykolaiv dhe Dnipropetrovsk.
Sipas mediave të huaja, përcjell Telegrafi, bëhet fjalë për dronë që u angazhuan në valët e sulmeve gjatë natës që zgjatën më shumë se tri orë, sipas forcave ajrore.
Dhe rënia e mbeturinave në qytetin juglindor të Dnipro thuhet gjithashtu se shkaktoi një zjarr në një ndërtesë private, sipas Serhiy Lysak, guvernatorit të Dnipropetrovsk.
Ai gjithashtu raportoi disa dëme në objektet e prodhimit në një ndërmarrje industriale në qytetin e Pavlohrad.
Ndërkohë një zyrtar i lartë ukrainas ka bërë thirrje për një rivlerësim të sistemeve perëndimore anti-ajrore që po dërgohen në Ukrainë.
“… Zgjidhja është e qartë: përveç mitralozave të lëvizshëm të kalibrit të madh, ka shumë sisteme më të thjeshta dhe më të lira kundërajrore të disponueshme sot që kanë dëshmuar se janë efektive kundër Shaheds. Këto përfshijnë Gepard dhe Vampire”.
Gepard është një tank anti-ajror i prodhuar në Gjermani, ndërsa sistemi kundër dronëve Vampire i prodhuar në SHBA përbëhet nga një lëshues raketash të drejtuar me laser që mund të instalohet në një “rimorkio”. /Telegrafi/