Ukraina pretendon se ka rimarrë fshatin Staromaiorske

Presidenti ukrainas, Volodymyr Zelensky ka dhënë “lajme të mira” nga vija e parë e frontit të luftës.

Ai sapo ka publikuar një video në Telegram të ushtarëve ukrainas, të cilët thonë se kanë rimarrë fshatin Staromaiorske nga forcat e Rusisë.

Lexo po ashtu Shtyhen për herë të parë zgjedhjet parlamentare në Ukrainë

Staromaiorske ndodhet në pjesën më të largët perëndimore të rajonit të Donetskut, raporton skynews.

Ushtarët dëgjohen duke thënë, “Brigada 35 dhe batalioni vullnetar “Arei” çliruan fshatin Staromaiorske. Lavdi Ukrainës! Lavdi heronjve!”

Disa orë më parë, Shtabi i Përgjithshëm i Forcave të Armatosura të Ukrainës raportoi se rusët kishin nisur një sulm ajror.

Zëdhënësi i saj gjithashtu deklaroi se forcat ruse po pësonin humbje dhe po tërhiqnin trupat e tyre nga rajone të ndryshme. /Telegrafi/