Ukraina planifikon ta riparojë aeroplanin më të madh në botë – duhen investuar miliarda dollarë

Ushtria ukrainase sërish ka nën kontroll aeroportin e Hostomelit, e pas rikthimit të tyre në këtë qytet, ekipet e gazetarëve vizituan hangarët dhe atë që ka mbetur nga Antonov An-225, i njohur si Mriya (Ëndrra), aeroplani që dikur ishte më i madhi në botë.

Aeroplani transportues i Ukrainës ishte i vendosur në hangarin e aeroportin Hostomel të Kievit, që pas pushtimit rus u bë “vatër” e luftimeve të vazhdueshme, transmeton Telegrafi.

Kompania ukrainase ka vlerësuar se shpenzimet e riparimit të fluturakes kapin  vlerën e 3 miliardë dollarëve.

Lexo po ashtu Ministria ukrainase e Mbrojtjes publikon pamjet rrëqethëse pas hyrjes në qytetin Bucha: Kjo është Srebrenica e re

Forcat ruse tani janë tërhequr nga aeroporti, kurse BBC ka vizituar të shtunën “rrënojat” e aeroplanit në hangar.

Kujtojmë që aeroplani më i madh transportues në botë – Antonov An-225 Mriya, është përfshirë nga zjarri pas sulmeve ajrore ruse që kishin për objektiv hangarin e aeroportit Hostomel. /Telegrafi/