Ukraina dhe Rusia janë dakorduar për të bërë shkëmbimin e të robërve të luftës, ka bërë të ditur zyrtarja ruse për të drejtat e njeriut Tatjana Moskalkova, pas takimit që pati me kolegun ukrainas Dmitro Lubinec në Turqi.
Moskalkova dhe Lubinec janë takuar në margjinat e konferencës ndërkombëtare të Ombudspersonit në Ankara, transmeton Telegrafi.
Në fotografi shihen duke qëndruan të ulur në anët e kundërta të tavolinës. Gjatë takimit të tyre, kishte ndodhur beteja e përgjakshme për qytetin Soledar në lindje të Ukrainës.
Më herët Moskalkova përmes aplikacionit Telegram ka thënë se ajo dhe Lubinec kanë diskutuar për ndihmën humanitare për qytetarët e Rusisë dhe Ukrainës.
Ukraina dhe Rusia deri më tani kanë kryer një sërë shkëmbimesh të burgosurve të luftës.
Madje kanë qarkulluar shumë video, ku shihen ushtarët ukrainas duke u kthyer në atdhe duke kënduar. /Telegrafi/