Ukraina i ka bërë thirrje Kinës që ti bashkohet Perëndimit duke dënuar pushtimin rus, pasi ky vend mëton të mbajë një lloj distance diplomatike nga kjo luftë.
“Kina mund të jetë element i rëndësishëm në sistemin e sigurisë globale, kuptohet nëse merr vendimin e duhur – duke mbështetur koalicionin e vendeve të civilizuara dhe ta dënojë barbarizmin e Rusisë”, tha këshilltari i presidentit ukrainas, Mykhailoo Podolyak, transmeton Telegrafi.
Kina kishte vendosur të abstenoj në Kombet e Bashkuara gjatë votimit ku dënohej pushtimi rus, e zyrtarët amerikanë së fundmi kanë thënë se Kina ka sinjalizuar një lloj gatishmërie për t’i ofruar asistencë ushtarake Rusisë.
Në një bisedë telefonike prej afro dy ore që e zhvilluan presidenti kinez Xi Jingping dhe presidenti amerikan Joe Biden, ky i fundit ka thënë se çfarëdo mbështetje që i ofrohet Rusisë nga Pekini do të ketë kosto. /Telegrafi/