UEFA ka njoftuar se legjenda e Romës, Francesco Totti do të marrë çmimin e Presidentit të UEFA-s këtë vit, në muajin gusht.
Futbollisti italian luajti ndeshjen e tij të fundit për Giallorossët të dielën, në ndeshjen ndaj Genoas, ku erdhi nga stoli kundër Genoas, dhe ekipi e tij siguroi vendin e dytë në Serie A.
Sot është njoftuar se Tottit do t’i jepet Çmimi i Presidentit UEFA, në njohjen e karrierës së tij fantastike dhe besnikërinë e tij ndaj klubit të tij të lindjes.
“Çmimi i Presidentit njeh arritjet e shquara, përsosmërinë profesionale dhe cilësitë personale shembullore”, ka thënë Presidenti Aleksander Ceferin.
“Këto atribute personalizohen nga Francesco Totti – një njeri që ka dhënë rreth një çerek shekulli të jetës së tij duke luajtur për Romën e tij të dashur AS Roma”, përcjell Telegrafi.
“Urime, Francesco, për një karrierë fantastike dhe për besnikërinë e përkushtimin tuaj të jashtëzakonshëm, për Romën dhe futbollin”.
Fituesit e mëparshëm të këtij çmimi janë Sir Bobby Robson dhe Johan Cruyff, si dhe italianët Paolo Maldini dhe Gianni Rivera, të cilët e fituan atë në vitin 2003 dhe 2011 respektivisht. /Telegrafi/
Aleksander Čeferin decides to grant the 2017 UEFA President’s Award to Francesco Totti for his outstanding career https://t.co/zRfsHxHFY5 pic.twitter.com/f8z2UTxIAp
— UEFA (@UEFA) June 1, 2017