Aeroplani i kompanisë Southwest Airlines, që ishte nisur nga Luisiana për në Orlando të Floridës, është dashur të bëjë ulje emergjente në Pensacila.
Derisa ishte në fluturim, këtij aeroplani i janë shkatërruar disa pjesë me zhurma të mëdha që kanë tmerruar udhëtarët, transmeton Telegrafi.
Mbi ulëset e pasagjerëve kanë dalë maskat për furnizim me ajër, ndërsa stafi është vënë në shërbim që të ndihmojë të pranishmit.
Në Twitter janë publikuar fotografitë e një çifti që mban këto pajisje që ndihmojnë frymëmarrjen, si dhe pamjet e pjesëve të aeroplanit të dëmtuar rëndë.
Zëdhënësi i kompanisë ajrore ka thënë se kanë filluar hetimet për të zbuluar se çfarë e shkaktoi këtë aksident në mes të fluturimit. /Telegrafi/
