Elbasan Rashani ka qenë i pafat në grumbullimin e fundit të Përfaqësueses së Kosovës.
Sulmuesi nga Vushtrria erdhi në grumbullim në top formë pasi kishte shënuar shtatë gola në kampionatin norvegjez me skuadrën e tij ODD.
Edhe pse nuk luajti në ndeshjen ndaj Maltës në Prishtinë, në stërvitjen e radhës Rashani pësoi lëndim.
Kjo bëri që ai mos të jetë i gatshëm edhe për ndeshjen ndaj Ishujve Faroe në udhëtim ku Kosova barazoi 1-1.
Sulmuesi anësorë ka pësuar lëndim në muskulin e këmbës së djathtë dhe do të mbetet jashtë fushave për dy javë.
25-vjeçari do t’i mungojë skuadrës së tij në udhëtimin te skuadra Haugesund dhe në duelin tjetër ndaj Tromsos.
Rashani në 29 ndeshje këtë edicion me ODD-in, ka shënuar shtatë gola dhe ka bërë shtatë asistime, por që ende nuk ka luajtur në Ligën e Kombeve me Kosovën. /Telegrafi/