Telegrafi

U detyrua ta ndërrojë fanellën shkaku shiut të madh, dalin pamjet se si dridhej Messi nga ftohfti në ‘El Clasico’

Romak Zeqiri

Barcelona është mposhtur në El Clasicon e dytë këtë edicion.

Pasi kishin fituar ndeshjen e parë 1-3 në Camp Nou, Real Madridi triumfoi edhe në ndeshjen e dytë me rezultat 2-1.

Ishte një ndeshje shumë interesante, por që kishte edhe shumë shi që i vështirësonte aksionet e të dyja skuadrave.

Se ishte shi dhe ftohtë i madh njëkohësisht, ka treguar Lionel Messi me gjestin e tij në minutën e 78-të.

Kamerat kanë kapur yllin argjentinas duke u dridhur nga i ftohti dhe nuk vonoi shumë kur Messi ndërroi bluzën që kishte veshur dhe fanellën njëkohëssisht.

Gjithsesi ky reagim i Messit u bë viral në rrjetet sociale, ku tifozët shkruanin se ndoshta ndeshja ishte dashur të ndërpritet nga shiu i madh që ra.

 

Messi ndërroi fanellën dhe vazhdoi ndeshjen, por që nuk arriti t’i ndihmojë dot skuadrës së tij për ta marrë së paku një pikë në udhëtim te Real Madridi. /Telegrafi/