Tyson Fury zbuloi se ka fjetur me 500 gra në një intervistë të sinqertë në një ‘podcast’ të premten, ku ai gjithashtu pranoi se ishte “gënjeshtar dhe tradhtar” në marrëdhëniet e mëparshme.
Boksieri 33 vjeç, tregoi për ‘çdo gjë që është e keqe që bën ose ka bërë’, por tha se i vinte keq për ‘ndyrësinë’ e shtratit të kaq shumë femrave dhe tha se do të donte të mos kishte bërë seks para martesës, shkruan DailyMail.
Ylli sportiv është i martuar me gruan e tij Paris që nga viti 2008 dhe të dy kanë gjashtë fëmijë së bashku – por pavarësisht kësaj, në majin e kaluar u publikuan disa fotografi të Tysonit duke u lyer me krem dielli nga një fanse e veshur me bikini në një pishinë.
Duke folur për Boxing News Online, Tyson tha: “Unë jam një gënjeshtar, një mashtrues, një person krenar dhe kot. Çdo gjë që është e keqe unë bëj ose kam bërë. Të gjithë bëjmë gabime, apo jo”?
“E vetmja gjë për të cilën pendohem në jetë është seksi para martesës. Nëse do të mund ta fshija atë, atëherë jeta ime do të ishte praktikisht e përsosur. Më vjen keq për të gjitha pisllëqet që bëra me njerëzit”, tha boksieri.
“Duhet të kem bërë seks me më shumë se 500 femra, më shumë, nuk e di, e kam humbur llogarinë”, tha ai.
“Unë e shikoj atë tani si të neveritshme. Unë nuk jam një person fetar, por më pëlqen të ndihmoj njerëzit dhe të bëj gjëra të mira. Po i ndal të gjitha gjërat e këqija”, tha Tyson.
“Unë kam pirë dhe kam dalë jashtë në klube të natës. Mund të ngrihem tani, të shkoj dhe t’i çoj fëmijët diku të shtunën në mëngjes në vend që të qëndroj në shtrat deri në orën 12”.
Tyson u takua me Parisin kur ajo ishte 15 vjeçe dhe ata filluan të takoheshin vetëm pas ditëlindjes së 16-të të Parisit.
Të dy u martuan në vitin 2008 në kishën katolike St. Peter in Chains në Doncaster, South Yorkshire.
Si praktikantë katolikë, Tyson dhe Paris nuk bënë seks derisa u bënë zyrtarisht burrë e grua.
“Edhe pasi u fejuam, Tyson flinte në një karvan në shtëpinë e prindërve të mi, ndërsa unë flija brenda shtëpisë”, ka shpjeguar më parë Paris në një intervistë.
Vitin e kaluar, boksieri u fotografua duke u lyer me krem dielli nga një bollëk bukuroshesh të veshura me bikini pranë pishinës gjatë një ndalese në Miami.
Kampioni i boksit dukej shumë i lumtur dhe flirtues pranë dy zonjushave.
Pasi The Sun publikoi fotografi të Tysonit duke u lyer me vaj, ai u përgjigj në rrjetet sociale, duke shkruar: “Kam bërë një mijë fotografi dje në Fountain blue, por ato tregojnë vetëm vajzat, haha [sic]”.
Ai ishte i sigurt për të shtuar se ai dhe gruaja e tij Paris janë të martuar dhe të lumtur.
Çifti u martua në Doncaster në vitin 2008 dhe kanë gjashtë fëmijë: Venezuelan, 12 vjeçe, Prince John James, nëntë, Prince Tyson II, pesë, Valencia, katër dhe Prince Adonis Amaziah, tre dhe Princess Athena, tetë muajshe
Është raportuar së fundmi se ata janë në pritje të fëmijës së tyre të shtatë. /Telegrafi/